چیرۆکی فیلمەکە باس لە شازادەیەکی جێنشین دەکات بە ناوی (نیکۆلاس)، کە پیاوێکی سەرنجڕاکێش و کەمێک لەخۆباییە و ڕاهاتووە هەموو کەسێک لەبەردەمیدا چەمابێتەوە و بە قسەی بکات. بەڵام ژیانی بە تەواوی دەگۆڕێت کاتێک چاوی بە کچێک دەکەوێت بە ناوی (ئۆلیڤیا) کە کاری پێشکەشکردنی خواردن دەکات. ئۆلیڤیا کچێکی ئازایە و گرنگی بە نازناو و دەسەڵاتەکەی نادات، تەنانەت لە یەکەم بینینیاندا پارچەیەک شیرینی بە ڕووخساریدا دەکێشێت. ئەم ڕەفتارە جیاواز و بوێرانەیەی ئۆلیڤیا سەرنجی شازادە ڕادەکێشێت و وردە وردە دەکەونە داوی خۆشەویستییەکی قووڵەوە. بەڵام ئەم پەیوەندییە دەبێتە هۆی دروستبوونی ئابڕووچوون، ڕەخنەی توند و کێشەی گەورە لەناو خێزانە شاهانەییەکەیدا، چونکە ئەم جۆرە خۆشەویستییە هەرگیز لە بەرنامەی خێزانەکەیدا نەبووە. لە کۆتاییدا، دەبێت شازادە نیکۆلاس بڕیارێکی زۆر قورس بدات: ئایا دەستبەرداری دەسەڵات و تاجەکەی دەبێت، یان دەستبەرداری ئەو خۆشەویستییە دەبێت؟
